मनी ध्याय जो

मनी ध्याय जो रेणुकेच्या पदासी
मुखी गाय जो रेणुकेच्या पदासी
 पदी जाय जो रेणुका मंदिरासी 
  अशाला कशाला गया आणि काशी. 
 
करी प्रत्यही मातृतीर्थात स्नान 
मनी रेणुकेचे सदोदित ध्यान 
असे नित्य मातापुरक्षेत्रवासी 
अशाला कशाला गया आणि काशी.

सदा देई तातांस मातेस मान
परस्त्रीशी जो वागी मातेसमान
 न वाचे कधीही दुखवी कुणाशी
 अशाला कशाला गया आणि काशी

मोठ्यास जो वागवी आदराने
लहानांकडे पाही नित्य प्रेमाने
जीवनी जे चैतन्य जागविशी
अशाला कशाला गया आणि काशी

Comments

Post a Comment

Popular posts from this blog

काशी आमुची

काशी आमुची रेणुका, मुळपीठ नायीका । जे जे कल्पिले ते देसी, इच्छा पुरवीसी ।। म्हणुनी प्रार्थना अंबेसी, पावे मज दिनासी ।। ध्रु।। अणिमा महिमा महिमा, बाळा बगळा शामा। सिता सावित्री, हिचं आमुची यमा ।। ऐसे करुणेच् उत्तर मातापुर सुंदर ।।१।। पायी पैंजण वाजती, कानी बाळ्या शोभती । माथा बिंदल्या झळकती, त्याची प्रभा फाकती ।। कुंकुम लाविले लल्लाटी, हार शोभतो कंठी ।।२।। अंबे नाव तुझे चांगले, मन माझे रंगले । अंबे नाव तुझे, भवानी जपतो हा निर्वाणी ।।३॥
Read more

नमो विश्वमाते

नमो विश्वमाते नमो विश्वकर्ते , नमो विश्वमूले नमो विश्वभर्ते नमो विश्व निर्मूनिया खेळ केला , नमस्कार माझा तया रेणुकेला....!! जगन्मोहिनी तू जगन्नाथ माते , जगत्पालके तू जगा अन्नदाते जगच्चालके पाव या संकटाला , नमस्कार माझा तया रेणुकेला.....!! भवा दूरकर्ती भवा उत्पन्नीते , भवा पासुनी या भवा सोडवीते भवा हारुनी वारि या संकटाला , नमस्कार माझा तया रेणुकेला.....!! मुळी तूच उर्वी मुळाते प्रकाशी , मुळा पासुनी विश्व हे सोडवीसी मुळी मूळपीठी तू आवास केला , नमस्कार माझा तया रेणुकेला.....!! अशी नांदसी माय मातापुरी हो , जिची दृष्टि या सर्व सृष्टिवरी हो जिचा दर्शना दत्त अवधूत आला , नमस्कार माझा तया रेणुकेला....!! यात्रा भरे कार्तिक शुध्द पक्षी , अंबा उभी राहुनी मार्ग रक्षी भेटे प्रसन्ना वरदे जगाला , नमस्कार माझा तया रेणुकेला.........!! आत्मासि शक्ति तुजवीण नाहीं , शक्ति विणा दूजी करणीच नाहीं वरदान दे सुखी कर आत्म्याला , नमस्कार माझा तया रेणुकेला.....!!
Read more

जय परात्परे

जय परात्परे पुर्ण चिन्मये भगवती महा मंगलाईने ॥आद्य ईश्वरी विश्व व्यापिके शरण तुज मी पाव रेणुके॥दिनवत्सले पाय दाखवी।ञिपुर भैरवी या भवान्नवि॥निववी ताप तु आनंद  दाईके ।शरण तुज मापाव रेणुके।। 2।।  परममुढ मी जाण निश्चय दुढ मला शिवे नामय ही जय प्रगट व्हावया  ज्ञान दिपिके शरण तुज मी माय रेणुके.  ॥३ ॥ प्रपचंकारणी टाकले  मला मार्ग चुकलो ध्यास आसे तुझा. तुझ कुपे विने भय कसे चुके शरण तुझ मी पाव रेणुके. ।।4॥  विषय जाले हे चहु कडे आसे काम कोध हे व्याघ़ र्गजती रक्शी संकटी भ्रंती नाशीके शरण तुज मी पाव रेणुके।।। 5।।  आश्रय नसे आणि का जनी बालकासी का टाकले वनी धाव घे कडे माय रेणुके शरण तुज मी पाव रेणुके.।। 6।।  हेची मागणे माझी या मानी ह्यदय ग्रंथीके छेद योगीनी नुपेष्की कदा भक्त पोशीके शरण तुज मी पाव रेणुके।। 7।। श्रीदयानि दे त्रिपुर सुंदरी सर्व साक्षी तु भेट लवकरी गोसावी नंदन विनवी चंडीके शरण तुज मी पाव रेणुके।।।
Read more